19/09/2024

Seddori. Cunvegnu: “Il marchio collettivo di Sanluri”.

Seddori. Cunvegnu: “Il marchio collettivo di Sanluri”.

Su “Marchio collettivo di Sanluri” est unu strumentu po avalorai is prodotus localis. Su 20 de Cabudanni 2024 in su teatru Akinu Congia de is oras 16:30 nci est unu convegnu interessanti meda. Su “Marchio collettivo di Sanluri” chi po s’ imperu depit sighiri unu disciplinari círdiu, dd’ant realizau 5 annus fait po promovi is produtzionis agricolas e sa filera locali. Su “Marchio collettivo” est unu tema chi fait parti de unu de is 4 proponimentus chi Laore est promovendi de su “Progetto Switch” finantzaiu de s’ Unioni Europea chi tenit sa punna de mudai e promovi sistemas e comportamentus alimentaris sanus e sostenibbilis cun atzionis diferentis cumenti cussas de promovi is fileras localis o mudai is dietas de is mensas scolàsticas. Totus custas chistionis s’ ant a fai in su cunvegnu: Programma.

-a is oras 16:30 registratzioni e abertura trabballus

-a is oras 16:50 Saludus istitutzionalis: Alberto Urpi, síndigu de Seddori Paolo Usai, Assessori Atividadis Produtivas Moderatori Antonio Benvenuto Piredda, Laore Sardigna

-a is oras 17:00 Su progetu de su “Marchio collettivo di Sanluri” Paolo Usai, Assessori Atividadis Produtivas

-a is oras 17:10 Necessidadi de unu sistema po averiguai in is “Marchi collettivi” Marco Atzori, Laore Sardigna

-a is oras 17:20 s’ esperièntzia de is impresas agrícolas e artigianas chi faint parti de su màrchiu Paolo Floris, Efisio Lampis

-a is oras 17:40 su “Progetto Switch” Andrea Cerimele, Laore Sardigna

-a is oras 17:40 circa e innovatzioni po mudai is sistemas alimentaris: su contribbutu de su “Progetto Switch” Valentina Mereu, Lara Chenade, Centro Mediterraneo po is mudamentus climàticus

-a is oras 17:50 “Progetto Switch Azione 2 – Più legumi nel piatto” Paola Ugas, Laore Sardigna -a is oras 18:00 debata

-a is oras 18:30 acabbu de is trabballus.

Pùblicada su 19/09/2024