31/07/2024

Sàrdara. Bursa de Stúdiu annualidadi 2024/2025.

Sàrdara. Bursa de Stúdiu annualidadi 2024/2025.

Si fait sciri chi cun sa Determinatzioni de su Setori Amministrativu n.95 de su 25/07/2024, reg. gen. n. 326, funt incarreraus is procedimentus po s’ atribbutzioni de su contribbutu de sa Bussa de Stúdiu Regionali ( ex art. 33, comma 26, L.R. 5/2015) po s’ A.S. 2023/2024 e de su contribbutu po sa Furnidura a indonu, totali o partziali, de is libbrus de testu (c.d. buono libri ex art. 27 L. 448/1998) po s' A.S. 2024/2025.

Is istàntzias de partecipatzioni podint essi presentadas fintzas (e non prus addia) de su 26 de Austu 2024.

Si ponnit in craru:

-cun riguardu a su procedimentu Furnidura a indonu, totali o parziali, de is libbrus de testu (c.d. buono libri ex art. 27 L. 448/1998) po s’ A.S. 2024/2025, a diferéntzia de is àterus annus, sa Regioni Autónoma de sa Sardigna at prevídiu sa possibbilidadi de presentai sa dimanda de partecipatzioni mancari non si funt ancora comporaus totus is libbrus scolàsticus (si castit s’ Avisu Púbblicu po àterus informus).

-cun riguardu a su procedimentu Bussa de Stúdiu Regionali (ex art. 33, comma 26, L.R. 5/2015) po s’ A.S. 2023/2024, is studiantis chi ant presentau istàntzia po sa Bussa de Stúdiu Natzionali ex D. Lgs. 63/2017 po s’A.S. 2023/2024, cun s’aprovatzioni de sa Graduatória Única Regionali chi pertocat sa Bussa de Stúdiu Nazionali A.S. 2023/2024, su studianti chi est beneficiàriu de custa non podit essi beneficiàriu puru de sa Bussa de Stúdiu Regionali A.S. 2023/2024;

Si fait sciri fintzas chi:

-non si podit presentai istàntzia po su rimbursu po sa spesa de is libbrus de testu chi si funt comporaus cun àterus incentivus púbblicus cumenti “Carta del docente, Bonus Cultura, Carta Postepay Borsa di Studio”;

-chi is babbus, mamas o is rapresentantis legalis de su studianti, po su chi si pedint is contribbutus po custus procedimentus amministrativus, funt residentis in duas biddas diferentis, s’ istàntzia si depit presentai in su Comunu de residéntzia de su babbu, mamma o rapresentanti legali innui sa famíglia anagràfica de su studianti arresurtat bíviri.

Po ónnia àteru informu tocat a ligi s’ Avisu Púbblicu.

Pùblicada su 31/07/2024