18/07/2024

Santu ‘Èngiu. Cras 19 de argiolas sa de suas dís de su “Festival Letterario del Monreale” cun Jeff Biggers, Nicoletta Verna e Luca Briasco.

Santu 'Èngiu. Cras 19 de argiolas sa de suas dís de su “Festival Letterario del Monreale” cun Jeff Biggers, Nicoletta Verna e Luca Briasco.

Noba pigada de su giassu:www.sangavinomonreale.net

Cras, cenàbara 19 de argiolas, sa de duas dís de su “Festival Letterario del Monreale” ( Festival Literàriu de su Murriali) cun s'atóbiu “Occasioni di rinascita: didattica e lettura in carcere”, Jeff Biggers, su Coru “Paulicu Mossa” de Bonolva, Nicoletta Verna, Luca Briasco e Andrea Fulgheri.

Cras, a cumentzai de is seti de a merí (h. 19:00), sa de duas dís de su “Festival del Monreale” in Domu Mereu.

- h. 19:00 si cumentzat cun s'atóbiu “Occasioni di rinascita: didattica e lettura in carcere” cun is interventus de Cristina Cabras, Professora assotziada de Psicologia Sotziali in s'Universidadi de Casteddu; Cristina Ornano, Presidentissa de su Tribbunali de Sorvelliàntzia in su tribbunali de Casteddu; Matteo Pinna, Presidenti de s'Órdini de is abogaus de Casteddu; Manuela Saba, Agenti penitentziària; Fabio Varone, Cumponenti de sa Càmera Penali de Nùgoro, Angelo Mazza, Iscritori e insennianti de iscritura in su presoni de Badu 'e Carros. Mòderat Giorgio Pia.

- h. 19:45 ( otu mancu cuartu de a merí), presentada – ispetàculu: Jeff Biggers fueddat de su líbburu suu “In Sardinia: an unexpected journey in Italy” (Melville House Publishing) cun Rossella Perra. Partitzipat su Coru “Paulicu Mossa” de Bonolva.

- 20:45 (noioras mancu cuartu de a noti), tocat a Nicoletta Verna chi presentat su líbburu suu “I giorni di vetro” (Einaudi). A s'autora dd'afiancat Francesca Spanu. S'úrtimu atóbiu de sa dí, h. 22:00 (dexi de a noti) est riservau a sa rexonada intra de Luca Briasco e Andrea Fulgheri a suba de su tema “I sognatori: Stephen King, Paul Auster, Cormac McCarty”.

Pùblicada su 18/07/2024