25/07/2024

Biddanoa de Forru. Festa de Santa Marina 17.07.2024

Biddanoa de Forru. Festa de Santa Marina 17.07.2024

Biddanoa de Forru est s’única bidda in Sardigna chi tenit una crésia dedicada a custa Santa, Vírgini e Màrtiri. Segundu sa traditzioni sa Santa est originària de sa Galítzia, in Spagna. A Santa Marina dd’afestant duas bortas a s’annu: su 17 de Meseargiolas in arregodu de su martíriu suu e su martis pustis de Pasca Manna.

Sa crésia in su sartu de Santa Marina est acanta meda de sa bidda, dd’agataus in su ladu deretu de sa bia chi portat a sa Statali 131 e est posta in logu panoràmicu, faci a sa bidda. Est un’edifítziu antigu meda e cumenti testimòngiat unu rétulu scurpiu in su 1686, chi sa cópia est murada a parti de foras a su costau de s’intrada printzipali, est de su 1280.

Po ndi isciri de prus: https://visitvillanovaforru.weebly.com/santa-marina.html

Pùblicada su 25/07/2024