08/08/2024

Futei. Archeologia.

Futei. Archeologia.

In futei ant agatau tretus de muru e pamentus de 30 fàbbricus de su tempus de su ferru e de su tempus arcàicu. In localidadi Cuccuru S. Biagio o Santu Brai is Cartaginesus iant mudau una fortalesa nuràgica a sa manera architetónica militari insoru. Su cúcuru innui a innantis si pesàt unu nuraxi dd’ iant afortiau cun sa pesadura de unu muru óru óru o assumancu de unu parapetu a rocas. Diant pratziu in duus setoris inserrendi una parti de su nuraxi in unu màstiu o turri centrali a pranta quadrada. A sa prataforma de su màstiu si intràt a Nord in una intrada afortiada a cuidu. Un’ àtera linea afortiada parrit chi fiat a dexi metrus de custa. Sa ténnica edilítzia imperada est cumenti cussa agatada in is acropolis arcàicas de Monti Nai, Pani Loriga e Monti Sirai intra de su sèculu VI e su sèculu V a.C e depiat trastillai una posidura beni sestada, poita fiat puru acanta de unu bacu de su Flúmini Mannu e su strintorxu de Futei chi ponit in comunicatzioni su Campidanu cun sa Marmilla.

Pùblicada su 08/08/2024