Comunu de Seddori. Sa Màglia de su Casteddu.

Sa màglia po is partidas chi su Casteddu giogat a foras de sa Sardigna torrat gràtzias a sa cultura de su trigu, de importu meda in su Campidanu, cun sa figura de is spigas.

Sa promotzioni de sa màglia po giogai est lómpia in Seddori, in is campus indoraus po su messai, a is ballas de fenu ma prus che totu in su Museu de su Pani e de sa traditzioni de su messaju. Própiu in su Museu su caminu de sa spiga, de sa sèmina a su produtu acabbau, si contat cumenti si fadiat in su tempus passau. In su vídeu promotzionali de su Casteddu sa spiegatzioni e su caminu de su trigu dda fait una de is prus bravas operadoras de su Polu Museali.

“Seus cuntentus meda chi su Casteddu at sceberau po su vídeu promotzionali su Museu de su Pani de Seddori – contat su Síndigu Alberto Urpi – Seddori bantat sa traditzioni de su manixu de su trigu e de sa produtzioni de su pani típicu nostru, su civraxu, e est fintzas unu modu po fai connosci su Museu de su Pani. Sa filera de sa produtzioni de su pani at a essi documentada trassintru sa Festa de su Burgu chi s’at a fait su 29 de Cabudanni innui s’ at pòdiri partecipai a is labboratórius, a vísitas ghiadas e fai fintzas degustatzionis de su Civraxu”.

Pùblicada su 10/09/2024

Titolo

Testo articolo in italiano

Pubblicato il 10/09/2024