Tzitadi de Seddori. Funt abertas is iscritzionis po su Cursu de Língua Sarda de su 2 livellus.
Tzitadi de Seddori.
Sa Tzitadi de Seddori, Enti cabufila de su progettu "Terras de Marmilla, Linas e Campidanu, fait isciri a is tzitadinas e a is tzitadinus chi funt abertas is iscritzionis a su Cursu de Língua Sarda de su de 2 livellus chi inghitzat lunis 16 de Cabudanni 2024, in s'Àula 24, Polu Culturali e de Alta Formatzioni, edifítziu béciu de is Scolòpius, Parcu S'Arei, Seddori.
Podint partitzipai fintzas is chi non funt residentis in sa Tzitadi de Seddori ma su cursu no inghitzat, si non si sodigat su númunu de assumancu 20 iscritus. Po si iscriri ddoi at tempus fintzas a su 12 de Cabudanni 2024, h. 14:00.
Su Cursu est a indonu, ca ddu finàntziat sa Regione Autònoma de Sardigna cunformas a sa L. 482/99 e a sa L.R. 22/2018.
Po si iscriri tocat a cumpilai su mollu chi agatais in su giassu de sa Tzitadi de Seddori o in su giassu www.terrasdemarmilla-linas-campidanu.com e ddu mandai a: a.caboni@comune.sanluri.su.it.
Po isceras podeis tzerriai su númeru: 3890191709.
Is letzionis de su cursu ddas fait Dot. Fabio Usala.
Su cursu est de 30 oras pretzidas in 10 letzionis de 3 oras donniuna segundu su calendariu chi sighit:
Lunis 16 de Cabudanni 2024 h. 16:00 – 19:00
Lunis 23 de Cabudanni 2024 h. 16:00 – 19:00
Lunis 30 de Cabudanni 2024 h. 16:00 – 19:00
Lunis 7 de Meseladàmini 2024 h. 16:00 – 19:00
Lunis 14 de Meseladàmini 2024 h. 16:00 – 19:00
Lunis 21 de Meseladàmini 2024 h. 16:00 – 19:00
Lunis 28 de Meseladàmini 2024 h. 16:00 – 19:00
Lunis 11 de Donniasantu 2024 h. 16:00 – 19:00
Lunis 18 de Donniasantu 2024 h. 16:00 – 19:00
Lunis 25 de Donniasantu 2024 h. 16:00 – 19:00
Pùblicada su 10/09/2024