Gùspini. Sport City Day 2024

S’ispaparotai festosu e s’energia de su pópulu, de su benéssiri psicofísicu e de sa pràtica isportiva destruturada, torrant a preni de a mengianu a merí is pratzas, is parcus e is istruturas isportivas urbanas de totu Itàlia po sa prus manna de is festas de movimentu d’Europa. Ocannu puru Gùspini torrat a fait parti de s’editzioni 2024 de su Sport City Day: "La Repubblica del Movimento" de is 9:30 a is 12:30. Sa manifestatzioni est lómpia ocannu a sa de 4 editzionis giai chi est de su 2020 chi sa Fondatzioni Sporticity óperat in su territóriu natzionali prommovendi unu istili de vida ativu gràtzias a sa collabboratzioni de is Entis, de is Istitutzionis localis, natzionalis e europeas, cumenti a sa Rapresentàntzia in Itàlia de sa Commissioni Europea, Assótzius isportivus e stakeholders nous. Ocannu a s’acontéssiu ant aderiu unas 150 tzitadis chi totus impari ant a ghetai “Sa Repúbblica de su Movimentu”, un’idea chi s’at a realizai gràtzias a sa partetzipatzioni ativa de prus de 500.000 personas in totu Itàlia prontas a testimongiai chi si podit fai cresci su benèssiri psico-físicu de is tzitadinus donendi-ddis iscéti ispàtzius urbanus po fai atividadi física e cumentzai a ddus fai diventai tzentrus de sa Saludi. Ant a essi prus de 90 is atividadis propónnias in totus is regionis, cun prus de 700 assótzius coinvólgius e prus de 1500 operadoris de su movimentu cualificaus chi ant a fai bivi a is tzitadinus de dónnia edadi e conditzioni física una giorronnada dedicada a su benéssiri. De is 17 comunus chi iant aderiu in sa primu editzioni de su 2021 a is giai 150 de ocannu, de is 30.000 personas ativas a su mesu milioni previdiu po s’apuntamentu de su 22 de Cabudanni, funt númerus chi faint a cumprendi cumenti sa bia sulcada de sa Fondatzioni Sportcity siat istétia diaderus bincidora in pagu tempus. Is comunus chi ant aderiu funt prontus a donai panoramas sèmpiri prus eciseris e agregantis che a sea de s’acontèssiu, e su coinvolgimentu de is assótzius de su territóriu s’est ispainau diaderus. Gùspini, in custa segunda esperiéntzia sua, partétzipat cun prus de 15 Assótzius coinvólgius in s’organizatzioni de s’acontéssiu.

Pùblicada su 17/09/2024

Titolo

Testo articolo in italiano

Pubblicato il 17/09/2024