Biddanoa de Forru. “Nudda palas eólicas in Biddanoa de Forru: su territóriu est sarvu po mori de is nuraxis”

(Artículu pigau de “Casteddu On-line”) Is benis archeológicus pesaus millas annus fait ant permítiu de non ponni palas eólicas noas. Su Síndigu Onnis: “Totu su territóriu de Biddanoa de Forru abarrat a foras de sa s’aprofitamentu energéticu. E custa est una cosa bona” Biddanoa de Forru – Is nuraxis amparant su territóriu de is palas eólicas: is làcanas de sa bidda funt avinculadas, is benis archeológicus pesaus millis annus fait ant permítiu de non ponni palas eólicas noas. Su Síndigu Maurizio Onnis: “Innoi teneus de su 2013 palas de mini eólicu e chi nci funt cussas est su primu rechisiu de lei chi permitit de ndi ponni àteras, prus mannas. Imoi non si podit prus”. Est una mapa bella pretzisa cussa marcada de sa bidda de su Campidanu de Mesu, chi ispiegat is làcanas chi non podint passai is impiantus de energia rinnovàbbili, poita sa bidda est in mesu de su birdi e de is arrestus de villàgius antigus, amparaus e tutelaus, avinculaus. Sa fracadura de su primu tzitadinu Maurizio Onnis, sa chi at permítiu de amparai su comunu chi amministrat, non dd’at fata de meda: “Biendi sa temporada chi fiat lompendi, si seus móvius po amparai de prus is benis archeológicus nostus. E s’arresurtau est istétiu custu. In bleu is làcanas de su territóriu comunali de Biddanoa de Forru. In arrúbiu su tretu avinculau a giru de su nuraxi de Genna Maria. In grogu, su tretu avinculau a giru de su nuraxi de Pinn’e Maiolu. In biaitu, su tretu amparau a giru de su nuraxi de Mori Siliqua. In pagus fueddus, totu su territóriu de Biddanoa de Forru abarrat foras de s’aprofitamentu energéticu. E custa est una cosa bona”. Martis passau, in s’atóbiu cun sa Regione, Onnis at nau a is àterus síndigus “iscéti unu consillu: avinculai, avinculai, avinculai”.