04/10/2024

Santu ‘Èngiu. “Notte Bionda”, contu a s’imbressi po sa Festa de sa Birra. 6 de Meseladàmini 2024

Santu 'Èngiu. “Notte Bionda”, contu a s'imbressi po sa Festa de sa Birra. 6 de Meseladàmini 2024

Noba pigada de su giassu:www.sangavinomonreale.net In Santu 'Èngiu est incumentzau su contu a s'imbressi po sa "Notte Bionda" de su 6 de Ladàmini, un'acontéssiu nou de sa "Movida Sangavinese" chi at organizau su Tzentru Cummertziali Naturali. S'Atóbiu, dedicau a is amantiosus de sa birra, de sa cosa de papai bona e de sa música Rock, si fait in Domu Mereu, in bia Roma, cun un'iscioberu de birras artigianalis, cun is cuntzertus de is "Arschloch" e de " Riff Riff" ("tribut band" de is AC/DC) e po acabbai sa serada cun su "Dj set de Dj James. A màrxini de sa "Notte Bionda", est istétiu organizau unu cuncursu puru: is partitzipantis podint provai a intzertai su pesu de unu pressutu in is atividadis cummertzialis arremonadas in sa locandina: su chi intzertat o si acostat de prus a su pesu reali de sa còscia bincit su prémiu! Su "quiz" sighit puru su 6 de Meseladàmini in s'interis de sa "Notte Bionda", in serada su pressutu ddu pesant in antis de totus e ddu intregant a su bincidori. S'acontéssiu est una grandu ocasioni po passai una serada in cumpangia, gustendi is birras a s'ispina e is prodotus chi ofrint is tzilleris e is butegas de binu. Su logu de sa "Movida Sangavinese" est torra sa pratza ecisera de Domu Mereu, po una serada de ispàssiu, música, cumpangia e birra a s'ipina a suta de is isteddus. S'acontéssiu incumentzat a is seti e mesu de a merí (h. 19:30). Su Tzentru Cummertziali Naturali torrat gràtzias a totus is finantziadoris (presentis in sa locandina ufitziali de s'acontéssiu) chi ant permítiu de fai da manifestatzioni.

Pùblicada su 04/10/2024