Biddanoa de Forru: Incumintzat s'atividadi de s'Ufitziu de Lingua Sarda
Torrat a incumintzai s'atividadi de s'Ufítziu de Língua Sarda de su Comunu de Biddanoa de forru.
Su Comunu de Biddanoa de Forru, alleau de su Comunu de Seddori in su progetu “Prosecuzione Terras de Marmilla, Linas e Campidanu”, finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas istóricas” e a sa L.R. 22/2018, fait isciri a is tzitadinas e a is tzitadinus chi de su 23 de Gennàrgiu 2025 fintzas a su 23 de Meseladàmini 2025 est torra ativu s'Ufítziu de Língua Sarda.
S'Ufítziu s'agatat in su Museu Archeológicu, in Pratza Costituzione, 4 in Biddanoa de Forru e fait servítziu a su púbblicu su gióbia a mengianu (duas bortas a su mesi) de is 9 oras e mesu a sa una (9.30-13.00).
S’operadora, Dot.ra Carla Asunis, si podit cuntatai a is recàpitus chi sighint:
e-mail: limba@comune.villanovaforru.ca.it carla.asunis@gmail.com
Tel. 0709300050- 349 7523352
S’Ufítziu de Língua Sarda est a dispositzioni de is Iscolas, de is Museus, Ufítzius turísticus, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: chistionai in sardu cun s’Amministratzioni Comunali, po apariciai ainas/materialis po is pipius e is piciocheddus; imparai a ligi e iscriri in sardu; apariciai ainas/materialis po is atividadis insoru (es. locandinas, cartellinus merceològicus), tenni informatzionis chi pertocant sa língua, is traditzionis e s'istória de sa Sardigna.