Serrenti: Sa fortza e is fèmminas

Cenàbara su 7 de Martzu 2025 a is 5 de a merí (h. 17.00) in is aposentus de su Ex-Ma de Serrenti, in bia Nazionale 180, s’ant a ligi unas cantu pàginas de su líbburu de Cecilia Lavatore e s’at a projetai su vídeu monólogu dedicau a Luana D’Orazio, morta de disgràtzia in su logu de trabballu.

At a essi unu merí emotzionanti dedicau a is fèmminas, chi at apariciau sa Biblioteca Comunali de Serrenti paris cun s’Amministratzioni Comunali de Serrenti chi su merí at a essi presenti.