Gùspini: Su camminu de is cerridoras

Si incíngiat domínigu su 9 de Martzu a is 9 oras mancu cuartu sa sinnalética de su camminu de is Cerridoras chi de su burgu mineràriu de Montibéciu portat a su Cantieri Azuni.

Sa sinnalética noa dd’ant realizada gràtzias a su contribbudu de su Parcu Geomineràriu Stóricu e Ambientali de sa Sardigna e sa collabboratzioni de s'Agentzia Regionali Forestas (Sardigna Camminus).

Su percussu a arródiu dd’ant acatastau aintrus de sa Retza Escursionística de sa Sardigna cun su númeru 180A e si incuàddigat in parti cun su camminu 180 chi de Montibéciu portat a Piscinas. Est de importu fintzas sa collabboratzioni cun sa Fondatzioni Camminu Mineràriu de Santa Bràbara, chi ndi fait parti su Comunu de Gùspini, po s’arrangiamentu de su camminu e s’aciunta de sa sinnalética po s’incuaddigamentu cun sa tapa 6 de su Camminu Mineràriu de Santa Bràbara.