Pabillonis: Su 10 e s’11 de Maju is azaleas de s’AIRC in pratza San Giovanni

Sàbudu su 10 e domìnigu s’11 de Maju 2025, sa dì de sa Festa de is Mammas, a mengianu in Pratza San Giovanni de Pabillonis is volontàrius e is volontàrias AIRC ant a cuncordai unu banchitu po bendi is azaleas de sa Circa, cun unu contribbudu mìnimu de 18 éurus.

S’initziativa Airc tenit sa tenta de fai pentzai a su tema de su cancru e de informai su pùbblicu apitzus de is progressus de sa circa oncològica e arregolli resursas noas de destinai a su trabballu de dotoris e scientziaus po sa preventzioni, sa diàgnosi e sa cura de is tumoris.

Funt 175.600 is fémminas chi dònnia annu si ammalàdiant de cancru in Itàlia. Ma is ùrtimas novas si narant chi is mortus, pruschetotu intra de is prus giòvunus, funt sempri prus pagus: est gràtzias a custa initziativa puru chi oi, in Itàlia, duas fèmminas dònnia tres fertas de tumori funt bias ancora a cincu annus de sa diàgnosi.