Pabillonis: Atòbiu de su mesi de Maju cun is ajajas e is ajajus de sa “Residenza San Giovanni”

Cenàbara su 16 de Maju 2025 s'operadora de sa Biblioteca Comunali e s'operadora de su Sportellu de Lìngua Sarda de su Comunu de Pabillonis funt andadas ancu de is beciteddas e is beciteddus de sa “Residenza San Giovanni” de Pabillonis a ddus intratenni unu pagheddu. Pustis de ddis ai lìgiu duus contixeddus spassiosus in sardu, is stràngius de s’ospìtziu si funt spassiaus a giogai a “Froris, fruta, tzitadis” circhendi fueddus in sardu. A dolu mannu su tempus est passau tropu de pressi e no eus acutu a decrarai su bincidori!