Serrenti: Animatzioni de Comunidadi 2025. Escursioni po genti de 65 annus e prus
Sardu
Italiano
Si fait sciri chi est in programma un’escursioni cun pernotamentu is diis cenàbara 27 e sàbudu 28 de Làmpadas 2025 po is tzitadinus chi tenint 65 annus e prus.
Is costus chi pertocant su pullman e is acumpangiadoris ddus pagat su Comunu. Is costus po crocai, po papai, sa tassa de sogiorno, is escursionis in sa Salina e in su Parcu Stòricu Archeològicu de Sant’Antiogu ddus pagant is partecipantis. Su costu de partecipatzoni est de 145 éurus a persona, chi si depit pagai sa dii chi si fait s’iscritzioni.
S’ant a arriciri màssimu 50 iscritzionis in s’òrdini de cumenti lompint e s’escursioni si fait chi ddoi funt assumancu 35 iscritus. Si arregodat chi su pràngiu de sa dii chi si partit est a incuru de is partecipantis.
Àteras informatzionis e is mollus si podint aciapai in su giassu comunali.