Pabillonis: Obbrigu de imperai botus nous po s’àliga

Si fait sciri a is tzitadinus chi 𝗱𝗲 𝗹𝘂𝗻𝗶𝘀 𝘀𝘂 𝟭𝟲 𝗱𝗲 𝗟𝗮̀𝗺𝗽𝗮𝗱𝗮𝘀 𝟮𝟬𝟮𝟱 ant a cresci is scrucullus in contu de sa manera currégia de nci scavulai s’àliga in su comunu de Pabillonis.

A sa tenta de assegurai unu servìtziu de arregorta bàlidu e su rispetu de is normativas in vigéntzia, s’àliga chi no est fuliada a manera giusta non s’at a arretirai e in prus at a essi bullada de arrùbiu.

𝗠𝗮 𝗶𝘁𝗮 𝗯𝗼𝗹𝗶𝘁 𝗻𝗮𝗶 “𝗮̀𝗹𝗶𝗴𝗮 𝗻𝗼𝗻 𝗳𝘂𝗹𝗶𝗮𝗱𝗮 𝗮 𝗺𝗮𝗻𝗲𝗿𝗮 𝗴𝗶𝘂𝘀𝘁𝗮"?

𝗙𝗮𝗱𝗱𝗶𝗻𝗮 𝗶𝗻 𝘀𝗮 𝗱𝗶𝗳𝗲𝗿𝗲𝗻𝘁𝘇𝗶𝗮𝗱𝘂𝗿𝗮: àliga posta in logu sballiau (po nai: orgànicu postu in su botu de sa plàstica, indiferentziau cun su paperi, àliga ammesturada a pari).

𝗕𝗼𝘁𝘂𝘀 𝗻𝗼 𝗮𝗱𝗮𝘁𝘂𝘀: àliga fuliada cun botus diversus de cussus chi at donau su Gestori de su servìtziu de arregorta. Tocat a imperai scéti is ainas de arregorta arricias po garantiri sa balidesa de su processu.

𝗜𝘁𝗮 𝘀𝘂𝘁𝘇𝗲𝗱𝗶𝘁 𝗰𝗵𝗶 𝘀𝗶 𝗳𝘂̀𝗹𝗶𝗮𝘁 𝗮̀𝗹𝗶𝗴𝗮 𝗻𝗼𝗻 𝗰𝘂𝗻𝗳𝗼𝗿𝗺𝗮?

Is sacus o is botus chi funt irregolaris s’ant a etichetai cun unu bullu arrùbiu e is operadoris non ddus ant a arretirai.

𝗜𝘁𝗮 𝗱𝗲𝗽𝗶𝘁 𝗳𝗮𝗶 𝘀’𝘂𝗺𝗽𝗲𝗿𝗮𝗱𝗼𝗿𝗶 𝗰𝗵𝗶 𝗻𝗼𝗻 𝗱𝗱’𝗮𝗿𝗿𝗲𝘁𝗶𝗿𝗮𝗻𝘁 𝘀’𝗮̀𝗹𝗶𝗴𝗮?

S'umperadori at a depi po primu cosa arretirai su sacu o su botu de sa bia pùbblica e agoa at a depi diferentziai beni s’àliga a manera de dda torrai a ponni in foras sighendi su calendàriu stabbiliu po sa bia sua.

𝗦’𝗶𝗺𝗽𝗲𝗿𝘂 𝗱𝗲 𝗶𝘀 𝗯𝗼𝘁𝘂𝘀 𝗻𝗼𝘂𝘀 𝗲𝘀𝘁 𝗢𝗕𝗕𝗥𝗜𝗚𝗔𝗧𝗢̀𝗥𝗜𝗨!

Si arregodat a totus is tzitadinus chi s’imperu de is botus nous donaus de su Gestori po s’arregorta diferentziada est diventau obbrigatòriu. Custu passàgiu est de importu mannu po amellorai sa calidadi de s’arregorta e permiti a su comunu de lompi a tareas sempri prus artas in contu de sostenibbilidadi ambientali.

𝗧𝗲𝗻𝗶𝘀 𝗱𝘂𝗱𝗮𝘀 𝗮𝘀𝘂𝗯𝗮 𝗱𝗲 𝘀𝗮 𝗱𝗶𝗳𝗲𝗿𝗲𝗻𝘁𝘇𝗶𝗮𝗱𝘂𝗿𝗮?

Po agiudai is tzitadinus a cumprendi mellus sa manera currégia de nci fuliai s’àliga si cuntzillat de imperai s’aplicatzioni Junker.

S'app Junker est s’ùnica a nai cumenti diferentziai calisisiat cosa, e narat fintzas àteras cosas asuba de s’arregorta diferentziada. Si podit scarrigai a indonu in su smartphone scansionendi su QR code chi ddoi at in is materialis informativus o circhendi "Junker" in su store de aplicatzionis.

Si torrat gràtzias a totus is tzitadinus po sa collabboratzioni e s’impegnu po tenni s’ambienti prus lìmpiu e sustenìbbili po sa comunidadi.

Po àteras dudas si podit castiai su calendàriu de s’arregorta diferentziada chi ddoi at in su giassu de su comunu o cuntatai is ufìtzius comunalis dedicaus.