Archivissima 2025: “Dalla parte del futuro”
Archivissima 2025: “Dalla parte del futuro”
Cenàbara 6 de làmpadas de is 6 e mesu de merì, a su Museu Duas Funderias nc'est s'eventu “Archivi in transito: industria, ferrovia e territorio”
S'inghitzat cun una relata a pitzus de s'importàntzia de un archìviu ordinau po chi siat fàtzili a coberai informatzionis pùbblicas. A pustis, una mostra asuba de sa stòria de sa ferrovia e de sa funderia, cun documentus chi nd'arribbant deretus de s'Archìviu Stòricu de Santu ‘Èngiu e funt una testimònia pretziada de su patrimòniu culturali nostu.
Is partitzipantis podint castiai su Museu Duas Funderias gràtzias a is bìsitas ghiadas a incuru de s'Assòtziu Sa Moba Sarda, po connosci stòria e traditzionis de custus logus de importu.
S'Associazione Culturale SKIZZO at a presentai su murales de sa faciada de su Museu, chi bolit contai de manera creativa su liògniu intra su passau industriali e formas artìsticas noas, castiendi conca a su benidori cun ideas bonas.
S'atòbiu est cuncordau de su Comune di San Gavino Monreale cun s'agiudu de is assòtzius localis e de is ammantiosus de sa stòria de su logu. Totu sa comunidadi est invitada a ddoi andai po arrexonai asuba de su liòngiu intra passau e benidori.
Media
