Santu Engiu: Ativatzioni de su Puntu de Facilitatzioni Digitali
Si fait sciri a sa citadinàntzia ca est ativu su Puntu de Facilitatzioni Digitali in su fàbbricu comunali de bia Trento 2, aundi s'agatat unu "facililatore digitale" a disponimentu de sa gente po donai agiudu a imperai is servìtzius digitalis pùbblicus e agiudai a ddis imparai cumpetèntzias digitalis de basi.
Su servìtziu est a gratis e indiritzau a totus is chi tenint abbisòngiu de agiudu a intrai e imperai is servìtzius pùbblicus online che su SPID, su CIE, is servìtzius sanitàrius (prenotatzionis online de is bìsitas mèdicas in su CUPWeb, fai su càmbiu de su dotori de basi, scarrigai is refertus de su fascìculu sanitàriu, ecc), o servìtzius scolàsticus e formativus, dimandas online po otenni remborsus, bonus, ecc.
- Amparat su citadinu a fai atividadis digitalis che circai trabballu, intrai in s'aplicatzioni de sa banca de su telefoneddu, is sa applicatzioni o in su situ de is Amministratzionis Pùblicas (INPS, Agentzia de is Intradas, Comunus, Postas, Fascìculu sanitàriu, ecc) o po fai su SPID e fai unu indirìtzu de posta eletrònica certificada (PEC).
- Incurtzat su tretu intra utentis e ainas digitalis che computer e telefoneddus, agiudendi a si installai aplicatzionis cummenti WhatsApp, TikTok, Facebook, Instagram, etc, a castiai internet, a fai vìdeocunferèntzias, a controllai sa posta eletrònica.
Is oràrius de abertura funt:
- lunis e cenàbara 11:00 – 13:00
- martis e giòbia 09:00 – 11:00
- mèrcuris 15:30 – 17:30
- Po ddoi andai in àterus oràrius tocat a pigai apuntamentu.
Cuntatus po informatzionis e apuntamentus:
Telefono: 379 1696975
Email: puntodigitale@comune.sangavinomonreale.su.it
MEDIA
