Mara Arbarei: is scentis de sa scola elementari presentant sa crèsia de Santu Giusepi.

Presantada 1.

Saludi a totus e beni benius in Mara Arbarei; deu seu __________

__________ e imoi si fatzu a cannosci sa crèsia de santu Giusepi.

Sa crèsia de santu Giusepi est posta a nord de sa bidda, in su bixinau de Pala Mirai.

Ndi dd’ant pesada in su de XVII (dexaseti) sèculus.

Sa faciada est sèmplici meda e portat unu campanili “a vela” a duas ventanas (luxis).

Po nc’intrai tocat a fai tres scaleris (scaberis) e ago’ ddoi est su portali.

In artu portat una ventana arretangulari po fai luxi a sa navada.

Deu apu acabau e lassu su fueddu a su cumpàngiu miu

Saludi a totus, deu seu ____________ _______________

e s’ap’a chistionai de sa parti de aintru de sa crèsia.

Podeis bi’ ca nc’est una navada sceti, cun is arcus “a tutto sesto” po apoderai sa bòvida de linna, crobeta a teba.

S’artari (altari) majori, in pedra ‘e cracina, est pretziu in tres partis po mesu de is cuatru colunnas de marmu frassu, torradas a pintai de pagu.

In su nìciu de mesu nc’est sa stàtua de sa famìllia sacra. In artu, invècias, ddoi est su stema de sa famìllia Aymerich, is contis de Mara Arbarei.

Deu apu acabau e lassu su fueddu a su cumpàngiu miu

Saludi a totus, deu seu ____________ _______________

e s’ap’a chistionai de custa capella.

Est sa capella de santa Arrosalia. Si bit (bidi) s’artari e in su nìciu ddoi est sa stàtua de santa Arrosolia.

A manu dereta nc’est sa sagrestia, e sa luxi nc’intrat (ìntrada) po mesu de una ventana traballada in pedra in totu e is cuatru partis.

Aintru de sa sagrestia ddoi est sa paradora, una spètzia de armàdiu anca su predi ponit (poidi) is paramentus suus. A sa paradora dd’ant fata in su Setixentus.

Deu apu acabau e lassu su fueddu a su cumpàngiu miu

Saludi a totus, deu seu ____________ _______________

e s’ap’a chistionai de Sa domu de s’eremita.

Passendinci in custa ‘enna lompeus a Sa domu de s’eremita, est a nai: sa domu de su castiadori; innoi si bit (bidi) sa scala (scaba) chi srebit (srebidi) po nci artziai a sonai sa campana, e in su furrungoni, invècias, nc’est una funtana ancora bona.

Deu apu acabau e lassu su fueddu a su cumpàngiu miu

Saludi a totus, deu seu ____________ _______________

e si fatzu a bi’ custa duas acuasanteras piticas fatas in pedra; ddas ant (anti) fatas is picaparderis sardus in su de XVII (dexaseti) sèculus. Una est pintada cun bacelladuras e s’atra cun froris aintru de un’esàgonu.

Aintru de sa crèsia nc’est sa sedi de sa cunfraria de santu Giusepi, formada in su 1661 po mori de su conti Aymerich.

Deu apu acabau e lassu su fueddu a su cumpàngiu miu

Saludi a totus, deu seu ____________ _______________

Candu nci fiat (fiada) sa segunda gherra mondiali, a sa crèsia dd’iant usada cumenti a spidali (spidabi) militari po is sodraus chi biviant in sa zona. Intra is maladias chi si curànt, nci fiat sa malària puru.

Sa genti contàt (contada) ca in mesu a totus is malàdius (mobàdius) nci fiat unu sodrau chi ddi narànt Ginu aposentau in sa capella de santa Arrosolia. Fiat malàdiu (mobàdiu) meda, bortas a meda sa genti dd’intendiant tzerriendu a sa mamma. Fiat postu mali (mabi) diaderus, fiat acanta acanta a no nci dda fai…ma a sa fini s’est sravau! Apustis unu pogheddu de tempus, po promissa est torrau a Mara Arbarei.

Si torraus gràtzias po s’ai ascutau, e imoi si cuntzillaus de abisitai sa parròchia, anca nci funt is cumpàngius nostus de cuinta.

Presentada 2.

Saludi a totus, deu seu …………………...

S’ap’a chistionai de sa capella de Santa Arrosalia.

Si bit (bidi) un’artari (altari) sèmplici meda e unu nìciu po sa

santa.

De unus cantu de annus, po totu su tempus de paschixedda, sa

capella arricit (arrìcidi) su presepi chi fait (faidi) su bixinau de santu Giusepi.

Si torru gràtzias po m’ai ascutau.

Imoi lassu su fueddu a su cumpàngiu miu.

Saludi a totus.

Deu seu …………………………..

Imoi seus aintru de sa sagrestia; sa luxi intrat (ìntrada) po mesu de una ventana traballada in pedra in totu e is cuatru partis.

Custa est sa paradora, una spètzia de armàdiu anca su predi ponit (poidi) is paramentus suus e is arredus sacrus de sa crèsia; est de su Setixentus.

In mesu a custu mòbili nc’est su nìciu centrali, in su Setixentus giai suguramenti aintru nci fiat (fiada) sa stàtua de santu Giusepi cun Gesubambinu. Oi, invècias, nc’est su Gesugristu de sa prucessioni.

Sa sagrestia est collegada cun sa domu de s’Eremita.