Serrenti: “Labboratórius po s’istadi in sa Biblioteca”

Custu mengianu in collabboratzioni cun sa Biblioteca Comunale Serrenti Francesca Sanna Sulis s’est fatu su primu de is duus labboratòrius istadialis chi at organizau s’Ufìtziu Lìngua Sarda de Serrenti.

Su tema scioberau, giai chi seus in s’istadi, est su mari , e su protagonista de oi fiat su piscixedduprus bellu chi si potzat agatai, su chi tenit totus is coloris de su circhiolla.

Una stòria fàtzili ma funguda innui si fait a cumprendi a is pipius chi in prus de sa bellesa nci funt àterus baloris prus de importu, chi si agiudant a essi prexaus e in cumpangia de amigus chi podint essi amigus mancai non si assimbillint de bisura.

Pustis de ai lìgiu su libureddu de “Arcobaleno” is pipius si funt spassiaus a colorai unu piscixeddu e a ddu decorai cun is scatas luxosas po ddu fai assimbillai a su protagonista de sa stòria!

Immoi a si torrai a biri in Cabudanni cun un’àtera stòria e un’atru trabballeddu sempri a tema mari e istadi.