Serrenti: Cursu de Sardu de 1° livellu
Serrenti: Funt abertas is iscritzionis po su Cursu de Língua Sarda de 1° livellu
Su Comunu de Serrenti, alleau de su Comunu de Seddori in su progetu "Sighidura Terras de Marmilla, Linas e Campidanu”, fait isciri a is tzitadinas e a is tzitadinus chi funt abertas is iscritzionis a su Cursu de Língua Sarda de 1° livellu chi inghitzat mércuris s’1 de Meseladàmini 2025, chi si fait in is aposentus a su 1° pianu de sa Domu Corda in bia Morandi. Podint partitzipai fintzas is chi non funt residentis in su Comunu de Serrenti ma su cursu no inghitzat si non si sodigat su númeru mínimu de 15 iscritus. Po si iscriri ddoi at tempus fintzas a su 28 de Cabudanni 2025.
Su Cursu est a indonu, ca ddu finàntziat sa Regione Autònoma de Sardigna cunformas a sa L. 482/99 e a sa L.R. 22/2028.
Po si iscriri tocat a cumpilai su mollu alliongiau e ddu mandai a: carla.asunis@gmail.com
Is letzionis de su cursu ddas fait Dot.ra Carla Asunis.
Su cursu est de 30 oras pratzias in 10 letzionis de 3 oras donniuna segundu su calendariu chi sighit:
Meseladàmini 2025: 1, 8, 15, 22, 29 h. 15:30 – 18:30
Donniasantu 2025: 5, 12, 19, 26, 28 h. 15:30 – 18:30
Pùblicada su 01/09/2025