Santu ‘Èngiu si preparat a sa froridura de sa gentilla: su 𝟏𝟕 𝐝𝐞 𝐦𝐚𝐣𝐮 arribbat: “𝐒’𝐄𝐧𝐚 𝐢𝐧 𝐅𝐢𝐨𝐫𝐞”
Una dii po torrai a scoberri su sartu, is prodotus a chilòmetru zero e su benèsseri in s’ària aberta. Custu est su spìritu de “S’ena in fiore”, s’eventu in programma sàbudu 17 de maju in zona 𝗧𝘂𝗽𝗮 𝗱𝗲 𝗣𝗲̀𝗿𝘁𝗶𝗮 in Santu ‘Èngiu, nàsciu e fatu de 𝗠𝗮𝗿𝗰𝗲𝗹𝗹𝗼 𝗖𝘂𝗿𝗿𝗲𝗹𝗶, meri de s’azienda agrìcola S’Ena, cun sa collabboratzioni de 𝐅𝐫𝐚𝐧𝐜𝐞𝐬𝐜𝐚 𝐋𝐢𝐱𝐢, consulenti po su svilupu sostenìbbili de impresas piticas e mèdias.
Una faina ùnica in Sardigna chi tenit sa punna de avalorai sa messarìtzia e is prodotus stasonalis gràtzias a unu programma arricu de atividadis de is 8 de mengianu a is 8 de merì. Sa cosa prus de importu est sa bìsita ghiada a is campus de gentilla in frori, unu momentu po connosci totus is fasis de produsidura: de su semìngiu a s’arregorta e a sa purgadura, impari a unu niaxi de contus spantosus a pitzus de custa genia de laori.
Atòbius de fotografia, cun 𝘸𝘰𝘳𝘬𝘴𝘩𝘰𝘱 e 𝑐𝑜𝑛𝑡𝑒𝑠𝑡 a incuru de 𝐀𝐧𝐝𝐫𝐞𝐚 𝐀𝐥𝐭𝐞𝐚, e spetàculus de coxina impari a 𝐃𝐚𝐧𝐢𝐞𝐥𝐞 𝐂𝐮𝐢, personàgiu famau de Masterchef, acumpangiau de una filera de binus giaus de s’Enoteca Bìngia.
Importàntzia puru po is atividadis a s’ària aberta cun su 𝘁𝗿𝗲𝗸𝗸𝗶𝗻𝗴 𝗶𝗻 𝗶𝘀 𝗺𝗶𝗻𝗶𝗲𝗿𝗮𝘀 de Murriali impari a sa ghia GAE 𝐌𝐚𝐬𝐬𝐢𝐦𝐨, 𝘆𝗼𝗴𝗮 in is campus cun 𝗠𝗶𝗰𝗵𝗲𝗹𝗮 𝗣𝗶𝘀𝘁𝗶𝘀 (siat a mengianu che a merì), 𝘁𝗿𝗲𝗸𝗸𝗶𝗻𝗴 𝗱𝗲 𝟮𝟬 𝗰𝗵𝗶𝗹𝗼̀𝗺𝗲𝘁𝗿𝘂𝘀 𝗮 𝗰𝘂𝗮𝗱𝗱𝘂 cun 𝐃𝐚𝐯𝐢𝐝𝐞 𝐂𝐨𝐧𝐠𝐢𝐚, unu 𝘁𝗼𝘂𝗿 𝗱𝗲 𝟮𝟬 𝗸𝗺 𝗮 𝗯𝗶𝗰𝗶𝗰𝗿𝗲𝘁𝗮 a incuru de s’assòtziu 𝐌𝐨𝐧𝐫𝐞𝐚𝐥 𝐁𝐢𝐤𝐞 e unu 𝘁𝗼𝘂𝗿 𝗱𝗲 𝟮𝟭𝟬 𝗸𝗺 𝗮 𝗺𝗼𝘁𝗼𝗰𝗶𝗰𝗿𝗲𝘁𝗮 ghiau de 𝐂𝐫𝐢𝐬𝐭𝐢𝐚𝐧 𝐂𝐚𝐫𝐭𝐚.
Po totu sa dii ddoi ant a essi paradas de is produsidoris localis fadendi tastai su chi traballant e criendi liòngius intra produsidori e consumadori. Totus is atividadis inghitzant e finint a intru de s’azienda agrìcola S’Ena. A s’acabbu, una cena (tocat a si prenotai) a su ristoranti “𝐂𝐢 𝐩𝐞𝐧𝐬𝐚 𝐅𝐚𝐛𝐢𝐞𝐭𝐭𝐨” cun unu menù de tastus ispiraus a s’azienda.
S’intrada po is campus est a indonu ma tocat a si prenotai a innantis a su nùmeru 375 8114586 (Whatsapp puru) po pigai parti a su pràngiu e a is atividadis ca poita is postus funt limitaus. Po favoressi s’intrada ddoi est parchègiu po màchinas, motocicretas e bicicretas e unu servìtziu de bus navetta de e a sa 𝐬𝐭𝐚𝐭𝐳𝐢𝐨𝐧𝐢 𝐅𝐒 de Santu ‘Èngiu (tocat a si prenotai innoi puru).Cun “S’Ena in Fiore” su sartu e su chi ddoi nascit si faint protagonistas e oferrint a is bisitadoris una esperièntzia in mesu de natura, cultura, saboris e cumpartzidura.
Po àteras informatzionis càstia sa pàgina de S’Ena in Fiore. https://www.sena-azienda-agricola.it/sena-in-fiore/Bortadura de s’artìculu de San Gavino Monreale . Net