02/08/2024

Futei. Contributus “Sine Limes”.

Futei. Contributus “Sine Limes”.

S’ ufítziu de is Servítzius Socialis fait sciri chi in su Giassu de sa Regioni Sardigna ant pubblicau s’ Avisu “Sine Limes” po sa cuncessioni de unu contribbutu económicu po s’ amparu de is personas fràgilis in cunditzionis gravis, po favoressi s’ intrada a sa retza de is servítzius sótziu-sanitàrius, sanitàrius, servítzius de cura e amparu in domu.

Podint presentai sa dimanda:

-sogetus cun disabbilidadi a is sensus de s’ art.3 de sa L.104/92;

-personas antzianas chi tenint a su mancu 85 annus de edadi.

Modalidadi de s’ agiudu: Is “Buoni Servizio” funt contribbutus a fundu pérdiu e prevedint s’assignamentu diretu a títulu de rimbursu de sa spesa fata po sa compora de unu servítziu.

Funt interventus po:

-facilitai s’ intrada a is servítzius de amparu de parti de sugetus cun limitis in s’ autonomia;

-poderai e agiudai is grupus fràgilis in cunditzionis gravis;

-favoressi, cun su potentziamentu e afortiamentu de is servítzius de cura e amparu in domu, su abarrai in domu de is personas cun limitatzionis a s’ autonomia;

-favoressi s’ ammanniamentu de sa cualidadi de is prestatzionis spartzidas;

-ammellorai s’ autonomia e sa cualidadi de sa vida de custa categoria de personas;

-favoressi fintzas s’ammanniamentu de s’ ocupatzioni e su ponni a pari sa vida/trabballu de is familiaris de is personas cun limitatzionis in s’ autonomia.

Valori prus artu de su “Buono”:

- € 6.000,00, po is importus ISEE fintzas a € 15.000,00;

- € 5.700,00 po is importus ISEE intra de € 15.001,00 e € 25.000,00;

- € 5.400,00, po is importus ISEE intra de € 25.001,00 e € 35.000,00.

S’ ammissioni a su benefítziu, cun sa formatzioni de unu elencu de is destinatàrius, at a essi fata cun sa modalidadi a “Sportellu”, pighendi in cunsideru sa dotatzioni finantziària disponibbilis. Is dimandas po su contribbutu si podint presentai sceti cumpilendi sa dimanda telemàtica (DT) rèndia disponibbili de sa Regioni Autónoma de sa Sardigna in s’ àmbitu de su “Sistema Informativo del Lavoro e della formazione Professionale” (SIL) a s’ indiritzu chi sighit: www.sardegnalavoro.it

Is dimandas si podint presentai sceti cumpilendi sa Dimanda Telemàtica (DT) in su form online chi s’agatat in su giassu (SIL): www.sardegnalavoro.it Incarrerendi de is oras 15:00 de su 24 de Argiolas 2024 e fintzas a is oras 17:00 de su 2 de Austu 2024 si at a pódiri compilai sa dimanda in modalidadi botza in su sistema SIL; custa Dimanda podit essi modificada in su sistema fintzas a s’ inviu de sa matessi e de is allióngius.

Sa Dimanda Telemàtica, impari a is allióngius e in sa versioni definitiva, depit essi presentada de is oras 15:00 de su 24 de Argiolas 2024 e fintzas a is oras 17:00 de su 2 de Austu 2024; at a fai fedi sa data de s’ inviu telemàticu certificau de su sistema SIL chi at a rilasciai, a pustis de s’ inviu, una ricida eletrónica in formau pdf. Po àterus informus si podit ligi su testu intreu de s’ Avisu Sine Limes innui ant a essi pubblicadas mancari is modíficas, agiornamentus e spiegatzionis apitzus de sa procedura. Is preguntas de informus apitzus de custu avisu depint essi inviadas a su “Servizio Politiche per la Famiglia e l’Inclusione sociale della Direzione Generale delle Politiche Sociali” a s’ indiritzu email chi sighit: san.polsoc.famigliaeinclusionesociale@regione.sardegna.it

Pùblicada su 07/03/2021