Oi 13 de làmpadas 2025 est cenàbara, sa crèsia afestat a 𝙎𝙖𝙣𝙩’𝘼𝙣𝙩𝙤𝙣𝙞 𝙙𝙚 𝙋𝙖̀𝙙𝙪𝙖, sa luna est calanti e su dìciu de sa dii est “Dio li fa e poi li appaia”. In sardu teneus unu dìciu chi tenit su matessi significau: 𝑮𝙚𝒏𝙩𝒊 𝒄𝙪𝒏 𝒈𝙚𝒏𝙩𝒊 𝒔𝙪𝒄𝙪 𝙙𝒆 𝒇𝙖𝒂 𝒄𝙪𝒏 𝒍𝙖𝒓𝙙𝒖.
Su Comunu de Santu ‘Èngiu fait sciri a is citadinus chi podint sinnalai sa presèntzia in su centru abitau de tzerpius e pretas (zeca, puxi, patedda arrùbia) cumpilendi su mòdulu e intreghendi-ddu a s’Ufìtziu prepostu. Is sinnalatzionis ant a lompi a su Servìtziu de Igieni Pùbblica de sa ASL chi at a andai a castiai su logu e a disinfestai.
Si arregordat a totus chi ant fatu sa preiscritzioni a su Centru Estivu ca tocat a ddas perfetzionai intra lunis 23 de làmpadas.
Po acraramentus e agiudu cuntatei s’impiegau Daniele Putzulu a su Comunu de Santu ‘Èngiu, primu pianu de su pàlatziu comunali.
Cenàbara 20 de làmpadas 2025
De is 7 e mesu de merì a mesunoti! Bia Roma e il pratzas de Santu ‘Èngiu
Si fait sciri a sa citadinàntzia ca est ativu su Puntu de Facilitatzioni Digitali in su fàbbricu comunali de bia Trento 2, aundi s’agatat unu “facililatore digitale” a disponimentu de sa gente po donai agiudu a imperai is servìtzius digitalis pùbblicus e agiudai a ddis imparai cumpetèntzias digitalis de basi.
AVISU PUBLICU: Protzedura de sceberu po sa nomena de relevadoris statisticus po censiri sa popolatzioni 2025 e aterus imbistigus ISTAT
Cenàbara 6 de làmpadas de is 6 e mesu de merì, a su Museu Duas Funderias nc’est s’eventu “Archivi in transito: industria, ferrovia e territorio”. S’inghitzat cun una relata a pitzus de s’importàntzia de un archìviu ordinau po chi siat fàtzili a coberai informatzionis pùbblicas.
Aundi: Campu Sportivu de Santa Lucia
Candu: domigu 22 de làmpadas, de is 7 de meri
Po informatzionis scrii unu messàgiu privau in Facebook o Instagram a sa Consulta ponendi su nòmini de sa truma e de is giogadoris; po si iscriiri tocat a andai in sa sedi insoru (Via Convento 80, faci a sa crèsia de su Cuventu de Santa Luxia) po pagai sa parti.
Casi ca giai duas cidas agoa nci fut sa festa de 𝐒𝐚𝐧𝐭𝐮 𝐒𝐢𝐝𝐨̀𝐫𝐢𝐮 innoi in bidda, labai custu trabballu fatu po fai a connosci sa figura de s’òmini e de su Santu.
Sa de XVIII editzionis de su 𝐂𝐮𝐥𝐭𝐮𝐫𝐞 𝐅𝐞𝐬𝐭𝐢𝐯𝐚𝐥 – Cuncertu de is Buzzing Jars…
