Gùspini. Onori a su merescimentu
Ocannu puru su Comunu de Gùspini bolit premiai is istudiantis chi si funt ammostaus po su merescimentu in iscola. S’initziativa “Onori a su merescimentu” difati tenit sa tenta de donai un’arreconnoscimentu púbblicu in su giassu istitutzionali de s’Enti, de is nòminis de is istudiantis chi si funt ammostaus po mori de is arresurtaus chi ant tentu. Destinatàrius e rechisius: Podint partetzipai totus is istudiantis residentis in Gùspini chi in s’annu iscolàsticu o académicu 2022/2023, apant cunsighiu unu de custus arresurtaus in s’istúdiu: - su diploma de iscola superiori de 2° gradu cun votatzioni mínima: 100/100, 100/100 e lodi (95/100 chi est istudianti cun arreconnoscimentu tzertificau de invalididadi o de handicap cunforma de sa Lei 104/92); - sa làurea po is laureaus nous cun votatzioni mínima: 110/110, 110/110 e lodi (105/110 chi est istudianti cun arreconnoscimentu tzertificau de invalididadi o de handicap cunforma de sa Lei 104/92); - diploma de acabbu de su primu tziclu de istrutzioni (iscola superiori de 1° gradu) cun votatzioni mínima: 10, 10 e lodi (9,5 chi est istudianti cun arreconnoscimentu tzertificau de invalididadi o de handicap cunforma de sa Lei 104/92); - si depit essi ammostau, candu fiat abbitendi is Iscolas Superioris de I gradu po atividadis iscolàsticas particularis (cumenti a is Giogus matemàticus), cumenti est indicau de su Dirigenti Iscolàsticu. S’ant a acetai puru is istàntzias de cussus chi, mancai tengant is própius rechisius, no ant presentau domanda in su 2023 po su chi pertocat s’annu académicu 2021/2022. Is domandas si podint presentai aintru de su 30 de Meseladàmini 2024. Modalidadis de presentatzioni: Is istàntzias si depint presentai in-línia atzedendi cun SPID o CIE, cun protzedura in-línia in su giassu istitutzionali www.comune.guspini.su.it in sa Setzioni Isportellu telemàticu polifuntzionali, “Tempu líbberu, isport e cultura", “Assignatzioni onorificèntzias e arreconnoscimentus", “Assignatzioni arreconnoscimentus Onori a su merescimentu iscolàsticu" e cumpilendi totus is campus previdius. Chi si fait domanda de arreconnoscimentu tzertificau de invalididadi o de handicap, a su mollu si depit alliongiai puru sa documentatzioni chi ddu cumproat (Tzertificau de arreconnoscimentu de s’invalididadi o de sa situatzioni de handicap cunforma de sa Lei 104/92) Bandu e informatzionis s’agatant in is documentus alliongiaus a sa nova. Po pediri informatzionis tocat a cuntatai su Comunu de Gùspini – Ufítziu Púbblica istrutzioni tzerriendi a su númeru 070 97 60 120, opuru in telegram a @CdG_PubblicaIstruzione opuru mandendi una e-mail a s’indiritzu pubblicaistruzione@comune.guspini.su.it
Pùblicada su 01/10/2024
Titolo
Testo articolo in italiano
Pubblicato il 01/10/2024