01/10/2024

Gùspini. Presentada de su líbburu “L’isola che c’è – Una scelta di libertà”

Gùspini. Presentada de su líbburu “L’isola che c’è - Una scelta di libertà”

S’11 de Meseladàmini a is 6 de a merí (oras 18,00) in sa Biblioteca Comunali Sergio Atzeni de Gùspini, s’at a presentai su líbburu chi at curau Giampiero Farru intitulau “L’isola che c’è - Una scelta di libertà”: unu líbburu chi contat 35 annus de istória de volontariau in Sardigna e contat acuntéssius de totus custus annus de volontariau in Sardigna. At a ciaciarrai cun s’autori Giorgio Tuveri, visu-presidenti Anteas Sardigna. Novas apitzus de s’autori: Giampiero Farru, classi 1957, teòlogu maistu e de su 1998 Presidenti de su CSV Sardegna Solidale, s’istitutzioni chi apoderat s’atividadi prommóvia de is assótzius de volontariau chi s’agatant e chi trabballant in Sardigna. De candu est in atividadi in su mundu de su volontariau est istétiu protagonista de medas initziativas sotzialis in Sardigna e in àteras regionis italianas, cun incàrrigus de responsabbilidadi in vàrias organizatzionis natzionalis: Csi, Movi, Forum terzo settore, Libera (chi est su referenti regionali). De su 2017 fait parti, únicu italianu, de su diretivu de su Tzentru Europeu de Volontariau. Su líbburu si podit comporai cun boníficu bancàriu Iban IT92I0100503246100082378444 Su dinai guadangiau de sa béndida de su líbburu at a serbiri po is servítzius e is atividadis de su CSV Sardegna Solidale ODV.

Pùblicada su 01/10/2024