Biddanoa de Forru: “Sa dí de su turista”
In ocasioni de “Sa dí de su turista” su Parcu e Museu “Genna Maria aparíciat un’abbísita ghiada in su giassu de Pinn’e Maiolu, chi at a fai su diretori de su Museu Giacomo Paglietti. S’apuntamentu est po cenàbara su 21 de Friaxu 2025 a is h. 10.45 in su Museu archeológicu de Pratza Costitutzioni po comporai su billetu (chi costat 3 éurus) e partetzipai a s’abbísita in Pinn’e Maiolu chi cumentzat a is h. 11.00. Po ndi isciri de prus e po si prenotai si podit tzerriai a is númerus: 070 9300050 - 333 1760216 – o mandai una e-mail a s’indiritzu museo@comune.villanovaforru.ca.it
Sa biddixedda nuraxesa de Pinn’e Maiolu, chi s’agatat in s’oru de sa bidda de Biddanoa de Forru, est sémpiri cambiendi faci giai chi fatu-fatu ddoi torrant a fai iscavus. Is iscavus archeológicus no istrobbant is abbísitas normalis, e antzis ddi donant prus balori. In ocasioni de sa “Dí de su turista” de Friaxu, su diretori de su Museu Genna Maria, Giacomo Paglietti, at a acumpangiai is bisitadoris a iscoberri custu logu eciseri chi at a iscoviai cumenti is nuraxesus arrennesciant a incanalai s’àcua.