Gùspini: Incumintzat s'atividadi de s'Ufitziu de Lingua Sarda
Torrat a incumintzai s'atividadi de s'Ufítziu de Língua Sarda de su Comunu de Gùspini.
Su Comunu de Gùspini, alleau de su Comunu de Seddori in su progetu “Prosecuzione Terras de Marmilla, Linas e Campidanu”, finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas istóricas” e a sa L.R. 22/2018, fait isciri a is tzitadinas e a is tzitadinus chi de su 23 de Gennàrgiu 2025 fintzas a su 23 de Meseladàmini 2025 est torra ativu s'Ufítziu de Língua Sarda.
S'Ufítziu s'agatat in sa Biblioteca Comunali “Sergio Atzeni” in bia San Nicolò, e fait servítziu a su púbblicu duas bortas a su mesi, unu cenàbara eja e s’àteru no, de sa una a is duas de a mericeddu (h. 13.00 – 14.00).
S’operadora, Dot.ra Carla Asunis, si podit cuntatai a is recàpitus chi sighint:
e-mail: carla.asunis@comune.guspini.su.it carla.asunis@gmail.com
Tel. 070 9760125 - 349 7523352
S’Ufítziu de Língua Sarda est a dispositzioni de is Iscolas, de is Museus, Ufítzius turísticus, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: chistionai in sardu cun s’Amministratzioni Comunali, po apariciai ainas/materialis po is pipius e is piciocheddus; imparai a ligi e iscriri in sardu; apariciai ainas/materialis po is atividadis insoru (es. locandinas, cartellinus merceològicus), tenni informatzionis chi pertocant sa língua, is traditzionis e s'istória de sa Sardigna.