Gùspini: Primu atòbiu cun is ajaus de su “Hotel della Terza età”

Su 7 de Friaxu 2025 s’est fatu su primu atóbiu cun is ajajas e is ajajus de su “Hotel della Terza Età” de Gùspini, in su cuntestu de su progetu “Legger…mente insieme” a incuru de Agorà Cooperativa po su Sistema Bibliotecario Monte Linas. In cussa ocasioni, pustis de ddus ai intervistaus unu pagheddu ananti de unu tè callenti e unu pistocu, is operadoras de s’Ufítziu Língua Sarda de Gùspini e de sa Biblioteca comunale "Sergio Atzeni" di Guspini ant circau de istentai is ajajus fendiddus partetzipai a una partida a tómbola. Giai totus ant bófiu giogai (fintzas cun prus cartellas, ca depiant binci a marolla!), e nc’est passada diaici prus de un’orixedda de ispàssiu e allirghia.

Su próssimu atóbiu in su “Hotel della Terza Età”, innui s’ant a fai atividadis diversas, est su 7 de Martzu!