Biddanoa de Forru: “Di Mimosa e di Bellezza”. Una dàdiva a s’arti e a sa fortza de is fémminas

Sàbudu s’1 de Martzu 2025, a is 5 e mesu de a merí (h. 17:30), in sa Sala de is Ammostas de su Museu Genna Maria, s’incíngiat “Di Mimosa e di Bellezza”, ammosta colletiva chi tzelebrat sa femminilidadi in totus is formas suas: fortza, inventiva, delicadesa e passiéntzia.

S’ammosta, a incuru de Alessandra Sorcinelli, est una dàdiva a s’arti e a sa partetzipatzioni culturali de is fémminas, contendi istórias de talentu e cambiamentu gràtzias a òperas de artistas, contemporàneus.

Su títulu de s’ammosta arremmonat sa mimosa, símbulu de gherra e de rinàscita e de bellesa, no iscéti cussa de biri, ma cumenti espressada berdadera de su èssiri. Unu camminu intra pinturas, iscurpiduras e fotografias chi isprorant s’arrolu de sa fémmina in s’arti e in sa sotziedadi, ponendi a su primu postu su arrennesci suu a cambiai e si torrai a fai a nou.

Is óperas in ammostu funt de: Mabi Sanna, Maria Grazia Spiga, Magi Sulis, Irene Piga, Serena Fazio, Anna Rita Atzori, Valeria Murtas, Stefania Trudu, Veronica Scano, Simona Innocenzi, Cinzia Collu, Tiziana Pili, Nelly Marlier, Marisa Atzori, Maria Borrelli, Lucia Fenu, Laura Deriu, Luciano Arrius, Giuseppe Maccioni, Nino Stagi

S’ammosta si podit abbisitai a indonu fintzas a su 15 de Martzu 2025, de su martis a su domínigu, de is 9 oras e mesu a sa una e de is tres e mesu a is ses de a merí (h. 9:30 - 13:00 e 15:30 - 18:00

Po ndi isciri de prus: 070/9300050

Un’ocasioni de non perdi po torrai a iscoberri su balori e sa poesia de totus is fémminas gràtzias a s’arti.