Biddanoa de Forru: “Erbas – Passillada intra is erbas e is matas de sa traditzioni sarda”
Sardu
Italiano
Su Parcu e Museu Genna Maria de Biddanoa de Forru organizat s’acontéssiu “Erbas – Passillada intra is erbas e is matas de sa traditzioni sarda”, domìnigu su 4 de Maju 2025 de is 9 oras e mesu a mesudì (9.30-12.00). Seus in beranu prenu, coloris e profumus abbiatzant s’àiri tébidu, su tempus est perfetu po partetzipai a una passillada praxili in su sartu, cun sa ghia de unu espertu chi at a ammostai erbas e matas tìpicas, donendi totus is informus apitzus de is impreus chi si ndi faint in mexina populari, narendi chi si podint papai e cumenti ddas imperai in cosmética. In prus at a contai contus e paristòrias apitzus de is ritus màgicus e terapéuticus chi ddas pertocant.
A chini tenit prexeri podit preni sa giorronnada abbisitendi su nuraxi e su museu archeològicu.
Costus e propostas:
- Passillada scéti (h. 9.30-12.00 prusomancu): 6 èurus sa genti manna, 5 èurus is pipius de 6 a 13 annus
- Passillada e a mericeddu abbìsita ghiada de su nuraxi Genna Maria e abbìsita lìbbera de su museu archeològicu: 12 èurus sa genti manna, 10 èurus is pipius de 6 a 13 annus
Informus utilosus
S’acontéssiu si fait scéti chi nci funt assumancu 15 personas e non prus de 30 partetzipantis, Chi fait tempus malu non si fait.
S’apuntamentu est a is h. 9.15 in su parchégiu de su parcu archeològicu Genna Maria.
Si cunsillat de si bistiri còmudus po andai a passillai a su sartu in custa stagioni e de s’ingolli unu capeddu po s’arreparai de su soli e àcua de bufai.
Po partetzipai tocat a si prenotai a marolla aintru de su 2 de Maju.
museo@comune.villanovaforru.ca.it
turismoinmarmilla@gmail.com
070 9300050 / 333 1760216 (in whatsapp puru)