Biddanoa de Forru: Live After Oil 2025
Sardu
Italiano
S’editzioni de su 2025 est dedicata pruschetotu a is fémminas e a is pipius. Duncas s’est scerau, che a immàgini rapresentativa, sa fotografia bogada de sa pintura originali de Shamsia Hassani chi s’at permìtiu de dda imperai.
“Is leis noas de is talebbanus ferrint pruschetotu is fémminas e is piciocas afghanas. Is fémminas non podint chistionai e ammostai sa cara insoru in foras de domu. Funt circhendi in dònnia modu de ndi bogai is fémminas de sa sotziedadi”.
Is òperas lòmpias, ocannu puru chistionant de is temas acapiaus a custa realidadi, a is diritus umanus negaus cumenti a cussus chi pertocant s’ambienti. Cun pagus novas positivas ma chi non ammancant in totu.
De Biddanoa de Forru, impari a s’agiudu de totus, circant de aguantai a sa tenta de ndi pesai unu mundu mellus po totus.
Su de 𝟏𝟐 𝐋𝐈𝐅𝐄 𝐀𝐅𝐓𝐄𝐑 𝐎𝐈𝐋 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐅𝐢𝐥𝐦 𝐅𝐞𝐬𝐭𝐢𝐯𝐚𝐥 𝟐𝟎𝟐𝟓
𝟏𝟕-𝟐𝟏 DE LÀMPADAS 𝟐𝟎𝟐𝟓
Biddanoa de Forru (𝐒𝐔), 𝐒𝐚𝐫𝐝i𝐠𝐧𝐚, 𝐈𝐭à𝐥𝐢𝐚
De sa pintura originali de Shamsia Hassani chi at donau su permissu de dda imperai
Nàscia in abrili 1988, est sa primu grafitista fémmina de Afghanistan. Cun is òperas suas, Shamsia pintat fémminas afghanas e donendiddis boxi in una sotziedadi innui a cumandai funt is òminis.
“S'arti mudat su ciorbeddu de is personas e is personas càmbiant su mundu”
shah@shamsiahassani.net