Biddanoa de Forru: Camper Day, su segundu acumonu
Sardu
Italiano
Su 17 de Maju 2025 in Biddanoa de Forru si fait su segundu acumonu de is camper in su campu sportivu, a su costau de s’Àrea Camper Tramontana chi ant incingiau ocannu passau.
Sa Giorronnada, chi s’est assetiada gràtzias a sa collabboratzioni intra sa Consulta Giovanili, su Comitau de Santa Marina e Santu Franciscu e sa truma de amigus e collegas de Davide, at a essi s’ocasioni po arregodai a Davide Serra, concitadinu e camperista amantiosu.
Su programma de sa giorronnada est su chi sighit:
- h. 15:30 s’atòbiu est in su Campu Sportivu Comunali de Biddanoa de Forru;
- h. 17:00 si partit cun su corteu faci a su Museu “Sa Corona Arrubia” cun unu cumbidu a incuru de "Il Lichene Rosso" e "La Seggiovia" ;
- h. 18:30 si torrat a su Campu Sportivu;
- h. 19:30 cumenti a ocannu passau is amigus de Davide ant a cumbidai a totus unu pratu de spaghitus;
- h. 20:00 po acabbai sa serada at a sonai DJ Perro.
Po is chi si bolint firmai unas cantu diis si arregodat chi s’Àrea Camper Tramontana s’agatat in Bia delle Grotte e tenit totus is serbìtzius, ddoi at fintzas una zona Free Wi Fi.
Po podi intrai in s’àrea camper bastat a scarrigai s’app Inarea e sighiri is inditus chi s’agatant puru in su cartellu postu a su costau de sa sbarra de intrada.
Cuntatus: Marco 3332043539, Ignazio 3483218622