Pabillonis: Saludi e trigu – Ammosta bibliogràfica

"Saludi e trigu", su saludu antigu de is messajus prus bècius, est un’augùriu de s’aguantai in bona saludi e fintzas de abbundàntzia, imprestat su nòmini a s’ammosta bibliogràfica chi si fait aintru de sa Biblioteca Comunali de Pabillonis, acontéssiu chi si fait in ocasioni de Monumentus Abertus su 10 e 11 de Maju 2025. S’ammosta si podit abbisitai fintzas a su 30 de Maju in is oràrius de abertura de sa biblioteca su lunis a merì de is 3 e mesu a is 6 e mesu, su martis de is 10 a sa una e de is 3 e mesu a is 6 e mesu, su giòbia a merì de is 3 e mesu a is 6 e mesu, su cenàbara de is 10 a sa una e de is 3 e mesu a is 6 e mesu, su sàbudu a mengianu de is 9 oras a mesudì.