Pabillonis: CONVIVIUM DI SAPERI PINGIADAS – RASSEGNA SULLA CERAMICA D'USO
Cenàbara su 10 de Meseladàmini 2025, a is h. 18:00 in su Tzentru de Agregatzioni Sotziali, in Bia Su Rieddu, Pabillonis sa de 4 e ùrtima serada dedicada a "S'argidda naturali de Pabillonis"
Fausto Pani e Danilo Rigon s'ant a cunfrontai chistionendi.sì de s'argidda che a materiali de milli impreus e s'ant a donai spuntus de riflessioni in contu geològicu e de cussu artìsticu espressivu.
Fausto Pani, geòlogu cun esperièntzia de lìbberu professionista (de su 1985) e consulenti senior po entis diferentis, cumenti a su Comunu du Quartu Sant'Aleni e su Parcu Natzionali de s'Arcipèlagu de sa Maddalena. At trabballau fintzas po entis localis cumenti su Comunu de Cabras e Narbolia, e collàbborat puru cun sotziedadis che a Geostudi snc e STING srl, innui si òcupat de pianificatzioni e consuléntzias geològicas.
Danilo Rigon, nàsciu in Bassano del Grappa in una famìllia de ceramistas at incarrerau de piticheddu a manixai sa ceràmica, fintzas a s'edadi de 15 annus in su labboratòriu de famìllia. Organizat cursus dedicaus a is argiddas naturalis e de ceràmica impari a àterus maistus ceramistas famaus. Donat imparamentus po preparai frommas de ghìsciu po sa produtzioni a colada e is mètodus de produtzioni.
In prus de is frommas si òcupat de fai puru is modellus de ghìsciu e de argidda siat in su tòrniu, siat a manu lìbbera. Una fromma de ghìsciu perfeta pèrmitit de produsi facilmenti e a lestru fintzas cosas bastanti difìcilis. In is annus, in custu setori specìficu, at collabborau cun artistas meda po sa produtzioni de òperas a tiradura bàscia.
Programma cumplu disponìbbili in
www.terracruda.org/it/pingiadas
#pingiadas #cittàdellaterracruda #pabillonis #terraccogliente