𝐃𝐢𝐠𝐢𝐭𝐨 𝐞𝐫𝐠𝐨 𝐬𝐮𝐦" – cursus de formatzioni gratùitus a pitzus de seguresa informàtica, inclusioni digitali e comunicatzioni.
Su progetu previdit sa partitzipatzioni de cincu portalitus Punto Digitale Facile e pertocat unu Pianu formativu fatu de 40 cursus gratùitus po totus is citadinus residentis e non residentis, s'at a podi torrai a fai in àteras editzionis e is atòbius durant cummenti de mìnimu 3 oras, a pitzus de chistionis prioritàrias de su cuadru europeu DigComp 2.2
Is àreas de interventu funt 4:
Alfabetizatzioni a pitzus de informus e datus; Seguresa informàtica; Creatzioni de contenutus digitalis e impreu de tecnologias de Intelligèntzia Artificiali; Comunicatzioni e collaboratzioni digitali;
Tentas specìficas: Ammellorai is cumeptèntzias digitalis de is citadinus (de is 14 annus in susu) cun atentzioni e informatzioni, datus e seguresa informàtica. Favoressi s'inclusioni digitali po is citadinus prus pagu digitalizaus, pruschetotus is de 65-74 annus. Promovi s'impreu de is servìtzius in lìnia, fadendi prus simpli is raportus cun sa Pùblica Amministratzioni.
Su progetu previdit 6 diis de formatzioni po totus is citadinius residentis e non, in su mesi de donniassantu e mesi de idas 2025 in sa Sala Consiliari de su Comunu de Santu ‘Èngiu in is diis e oràrius afatantis:- Martis 11 de donniassantu de is 16:00 a is 20:00
- Martis 18 de donniassantu de is 16:00 a is 20:00
- Martis 25 de donniassantu de is 16:00 a is 20:00
- Martis 02 de mesi de idas de is 16:00 a is 20:00
- Martis 09 de mesi de idas de is 16:00 a is 20:00
- Martis 16 de mesi de idas de is 16:00 a is 20:00
Po àteras informatzionis si podit pregontai a su portalitu de Facilitatzioni Digitali de su Comune di San Gavino Monreale.