Santu ‘Èngiu: Presentada de su lìbburu “Ponitì a una party”

S'atòbiu est po 𝗴𝗶𝗼̀𝗯𝗶𝗮 𝟭𝟴 𝗱𝗲 𝗺𝗲𝘀𝗶 𝗱𝗲 𝗶𝗱𝗮𝘀 𝗮 𝗶𝘀 𝟲 𝗱𝗲 𝗺𝗲𝗿𝗶̀ in sa seu de sa Proloco, pratza de sa Resistenza.

Cun custu lìbburu Atzori, connotu che Dr. Drer, artista stòricu de s'hip hop sardu – arregordat corant'annus de impìnniu civili e gherras socialis. Contat in prima persona de manifestatzionis, campagnas eletoralis e momentus de batalla pùbblica e una temporada intrea de gherra culturali chi at sinniau sa Sardigna de is annus Otanta a oi.

𝑷𝒐𝒏𝒊𝒕𝒊̀ 𝒂 𝒖𝒏𝒂 𝑷𝒂𝒓𝒕𝒚 est unu lìbburu chi ammesturat s'esperièntzia personali e sa memòria de totus e ponit a su centru chistionis che s'amparu de su territòriu, sa speculatzioni energètica, is càmbius de su movimentu indipendentista e su ruolu de sa lìngua sarda che aina identitària. Unu viàgiu chi nos permitit de torrai a castiai corant'annus de stòria de s'ìsula cun is ogus de su protagonista chi est, bortas medas, "𝑓𝑢𝑜𝑟𝑖 𝑑𝑎𝑙 𝑐𝑜𝑟𝑜".

Ghiat sa presentada Lorenzo Argiolas e at a agiudai su pùbblicu a arrexonai a pitzus de is elementus culturalis prus de importu de su lìbburu e de sa stòria contemporànea de Sardigna.