13/09/2024

Guspini. Mennea Day

Guspini. Mennea Day

Su 13 de Cabudanni 2024 a is 4 e mesu de a merí (16.30) in s’istàdiu comunali de Gùspini si fait su “MENNEA DAY”, sa manifestatzioni de Atlética Leggera in Pista Regionali cun sa Testimonial de onori Dalia Kaddari e Lorenzo Benati. S’acontéssiu tzelebrat s’anniversàriu de su record mondiali de s’atleta Pietro Mennea e dd’at organizau sa Fidal (Federazione Italiana di Atletica Leggera), Comitau Regionali Sardu in collabboratzioni cun s’Atlética Gùspini e cun s’amparu de su Comunu de Gùspini. Is iscritzionis de is atletas, técnicus, dirigentis e púbblicu si podint fai in-línia in su giassu www.fidal.it – servítziu in-línia aintru de is h.24:00 de lunis su 9 de Cabudanni 2024. In su logu innui si fait sa gara non si podint fai àteras iscritzionis. Is iscritzionis de is atletas istràngius e de is atletas tesseraus in sotziedadis chi funt foras de Sardigna sighint su chi est previdiu de is Normas Atividadis 2024. Po su chi no est previdiu si fait riferimentu a su chi est istabbiliu e pubblicau in is Normas Atividadis 2024. PREMIATZIONIS S’ant a premiai is primus tres classificaus de dónnia categoria (piciocus/as – cadetus/as – assolutus m/f). In prus a totus is chi ant a partetzipai chi faint parti de sa categoria Esordientis m/f s’at a donai sa medàllia arregodu de sa manifestatzioni.

Pùblicada su 13/09/2024