Su nùmeru de is giogadoris mudàt sempri; po incarrerai pigànt una pedra ciata e nci dda poniant in terra, de longu po abarrai a faci insoru; agoa is giogadoris si poniant a costada apari e atesu una dexena de metrus de sa pedra.

Unu pipieddu, chi scioberànt fadendu sa conta, si positzionàt palas a is cumpàngius ponendusì sa manu manca asuta a su sruecu estu e sa manu esta in sa parti esta de sa faci, in manera chi no essit biu is atrus giogadoris postus a carrera a carrera asegus cosa sua.

Est unu giogu chi is pipieddus faint ancoras oi. Si giogat cun cincu bicus (pedrixeddas tundas), chi fait de sa pròpriu mannària. Fait a giogai in duus o in medas; is pipieddus si setzint in terra in tundu.

Chistionendu cun is bècius eus scrobetu ca issus a piciocheddus no teniant tempus meda po giogai, poita depiant agiudai is babus e is mamas

Is imballapipius e is cantilenas acumpangiànt is giogus po unus cantu de miras. No si narànt sceti po nci passai s’ora ma serbiant puru po imparai a chistionai

Trallalleras: A su piciocu miu ddi nant “Spìnnia e Papa”ddu ‘ollu a ingènui miu mancai no portit giaca.

Is antigus narànt ca primu sa bidda fiat pretzida in duus: una fiat “Luna” e s’àtera “Matrona”.

Sa bidda est posta in una costera, conca a s’obrescidroxu, in su pranu de sa Marmidda intra su frùmini Flùmini Mannu, is giaras de Siddi e de Gèsturu e is cùcurus de sa Trexenta. Sa primu cosa chi si bit de sa bidda funt is terras prenas a lori e sa crèsia parrochiali de Santu ‘Iuanni Batista.
Is domus funt postas totus in lotu cun is murus artus ca ddas inserrant; po nc’intrai tenint unu portali, giai sempri cun un’arcu ogivali.